كيف الحال؟ طيبين؟
هذي هي الأيام مرت بسرعة,, الاجازة الربيعية خلصت وبدت الجامعات والمدارس
بالنسبة للجامعة فهذا هو اسبوعنا الثالث, والشغل ماشاء الله هيهيهي واصل حده عندي,, كل أستاذ/أستاذة مساق معطينا لستة بالي يبونه ع قولتهم الي اسمهـ Syllabus, المهم بقولكم وانا كلي أسف انه مشروع 30 رسمة ف 30 يوم فشل !!!
ما أحب أعترف بهالشي لكن لازم أقوله, أسبابي هو الجدول الطويل لهالكورس يعني أداوم من الصبح الساعة 8 الين 3 وربع أحد وثلاثاء بس الأربعاء والاثنين والخميس ابدء نفس الوقت لكن أخلص الساعة 11 و الحمدلله
أرد تعبانه و أرقد الين الساعه 4 ونص يله بعد الصلاة ابدء الدراسة و حل الواجبات والتحضير,, العشاء اتسبح و هوووب احط راسي و خخخخخخخخخ,, اللهم الويكند القى وقت ارسم فيه بس =__=”
ف خلاص أنا قلت خليني أاجل المشروع لأجل غير مسمى,, يمكن العطلة الصيفية وبكمل عليه ^^”
انزين بخلي المشروع الحين ع صوب,,
قبل اسبوع احتفلنا بتخرج أختي من الجامعة
التحضيرات كانت توهمنا انه في شي ناقص وانه الحفلة مابتكون حلوة,, اييه طلع العكس
كااانت حفلة واااو !! من غير الحضور الي قهرني,, أغلبهن ما كانن متشجعات ومتحمسات للعب والمسابقات بس كمن بنية تفاعلت وقامت تلعب معنا. المسابقات كانت عبارة عن امشي و أربح: نمشي ع المربعات المرقمة و فيه أسئلة و جوائز,, المسابقة الثانية كانت جمع الكرات الملونة ونحن مغمضين عيونا والي تجمع أكثر هي الي تفوز, و المسابقة الثالثة هي سباق النط بالكيس,, وكنا مشغلين انشودة حماسية اسمها “أكشن دي” حلووة أنصحكم تسمعونها,
بعد اللعب قعدنا نسولف شوي الين يكتبن البنات ف دفتر الذكريات اهدائات وخرابيط ثانية لـ اختي ككك<< تذكرت مذكرتي أيام المدارس يوم كنت أحاوط بين غرف المعلمات أيام الامتحانات عشان يكتبن لي وكنت أكره البنات ما أحب أعطيهن المذكرة لأنهن يعيدن ويزيدن ف الكلام وكله أغاني وشعر وشلات مالها خص ف مشاعرها الحقيقية تجاه صداقتنا. المهم ضاعت المذكرة و افتكيت < أكره ذكريات المدرسة خخخخ
بعدين رحنا نزلنا للبوفيه و أنا أسولف مع صديقة ماكانت مقربة لي أيام الثانوية لذيك الدرجة بس لأن أختها صديقة أختي و لأنه يعني أعرفها وتعرفني, و شوي الا وامي تناديني, شكرت الله لانها انقذتني << قووميناساي يا “ف..” بس ما أرتاح أكون مع أشخاص يذكروني بالمدرسة. على كل حال, خلاص مارجعت للمجلس و شليت صحني ودخلت البيت آكل الين انتهت الحفلة. ومع رحيل آخر الزوار كملنا الحفل ويا خواتي و بنات أختي و عيال أخوي والعائلة كلها,, ولعبنا المسابقات مرة ثانية وتصورنا وسهرنا الين 3 ونص نفتح الهدايا ونقرا الاهداءات. آآآآآآه كانت باختصار من أجمل اللحظات !! وعقبااااااااااالي ان شاء الله و لجميع صديقاتي, آمين يارب ^^
February 25th, 2010 at 4:03 pm
مـاشاءالله عليج عبولي
احب طريقتج في سرد كلامج بالمدونة
وحلوو تخبرينا عنج وعن الاحداث اللي تصيرلج
*متابعة دائمة*
^^
February 25th, 2010 at 5:37 pm
.^____^.
ترا هذا هو الهدف الي انتبهت له مؤخرًا في انشاء هالمدونة,, هو انه تعرفون آخر آخباري و تشاركوني الاشياء الي احبها,, خاصة اننا نادر نشوف بعض ف الجامعة واذا التقينا ماشي وقت اقولكم كل هالاشياء,, عشان جيه فرحت يوم سويتي مدونة ,, خخخ وحشرت بيق عشان هي بعد تفتح مدونتها ^^